မြန်မာနေရှင်နယ်လိဂ် ပွဲစဉ်(၁၂)၏ ဒုတိယနေ့ ပွဲစဉ်များကို ယမန်နေ့ ညနေက ကွင်း(၄)ကွင်းတွင် ကျင်းပခဲ့ရာ ရန်ကုန်မြို့တွင် ကစားခဲ့သည့် ပွဲစဉ်များတွင် လက်ရှိ ချန်ပီယံ ရန်ကုန် ယူနိုက်တက်က အိမ်ကွင်း YUSC တွင် ဟံသာဝတီ ယူနိုက်တက်ကို ဂိုးပြတ် အနိုင်ရခဲ့ပြီး မကွေးအသင်းက ဇွဲကပင်ကို သရေကျခဲ့သည်။ တောင်ကြီးတွင် ကစားခဲ့သည့် ကမ္ဘောဇ အသင်းနှင့် ရခိုင် ယူနိုက်တက် အသင်းတို့၏ ပွဲစဉ်တွင် အိမ်ရှင် ကမ္ဘောဇက ဂိုးပြတ် အနိုင်ရခဲ့ပြီး ပေါင်းလောင်းကွင်းမှ နေပြည်တော်နှင့် ဆောက်သမ်း မြန်မာတို့၏ ပွဲတွင်လည်း နေပြည်တော်က ဂိုးပြတ် နိုင်ပွဲရယူကာ ဇယားထိပ်ပိုင်းတွင် ဆက်လက်ရပ်တည် နိုင်ခဲ့သည်။ လက်ရှိ အချိန်တွင် အမှတ်ပေးဇယား ထိပ်ဆုံးတွင် အသင်း(၃)သင်း အပြိုင်ဖြစ်နေပြီး ဂိုးကွာခြားချက် အသာဖြင့် ကမ္ဘောဇ၊ ဇေယျာရွှေမြေ၊ နေပြည်တော်တို့ အစဉ်လိုက် ရပ်တည်နေသည်။ လက်ရှိချန်ပီယံ ရန်ကုန် ယူနိုက်တက် ကမူ အဆင့်(၄) နေရာတွင် ရပ်တည်နေပြီး ထိပ်ဆုံးမှ (၃)သင်းထက် ရမှတ် (၁)မှတ် လျော့နည်းနေသည်။

ယခုနှစ် ဘောလုံးရာသီတွင် ခြေစွမ်းမတည်ငြိမ်မှုကြောင့် ရလဒ်ဆိုးနေခဲ့သည့် ရတနာပုံ အသင်းသည် ယခုတစ်ပတ်တွင်လည်း လွန်ခဲ့သည့် တစ်ပတ်ကျော်ကမှ (၄-၀)ဂိုးဖြင့် ဂိုးပြတ် နိုင်ထားခဲ့သည့် မနောမြေကို နောက်မှ အသည်းအသန် လိုက်ကစား ခဲ့ရပြီး ပွဲချိန် (၈၁)မိနစ်တွင် ၀ါရင့်တိုက်စစ်မှူး ရန်ပိုင်သွင်းယူ ပေးခဲ့သည့် ဂိုးဖြင့် သရေရလဒ်သာ ရယူနိုင်ခဲ့သည်။

ယနေ့ညနေက အောင်ဆန်းကွင်းတွင် ကျင်းပခဲ့သည့် ဧရာဝတီ ယူနိုက်တက်နှင့် ဇေယျာရွှေမြေတို့၏ ပွဲတွင် ဇေယျာရွှေမြေက နောက်ကျသွင်းဂိုးများဖြင့် အနိုင်ရရှိခဲ့သည်။ ဧရာဝတီ အနေဖြင့် ပထမပိုင်း ကတည်းက ဦးဆောင်နိုင်ခဲ့သော်လည်း ဒုတိယပိုင်းတွင် ပြန်ပေးခဲ့ရသည့် ဂိုးများဖြင့် ရှုံးနိမ့်ခဲ့ရခြင်း ဖြစ်သည်။ အဆိုပါ အနိုင်ရလဒ်ကြောင့် ဇေယျာရွှေမြေ အနေဖြင့် စနေနေ့ ပွဲများ အပြီးတွင် အမှတ်ပေးဇယားကို ဦးဆောင်နိုင်ခဲ့သည်။

မြန်မာနေရှင်နယ်လိဂ် ကလပ်အသင်းတစ်သင်း ဖြစ်သည့် စစ်ကိုင်းတိုင်း ဒေသကြီး ကိုယ်စားပြု ဇေယျာရွှေမြေ အသင်းနှင့် စင်ကာပူနိုင်ငံ အခြေစိုက် နည်းပညာ ကုမ္ပဏီ တစ်ခုဖြစ်သည့် Sing Tech တို့ ယမန်နေ့က စပွန်ဆာ စာချုပ်ချုပ်ဆိုပွဲ တစ်ရပ်ကို ကျင်းပခဲ့ကြောင်း သိရသည်။

၂၀၁၃ မြန်မာနေရှင်နယ်လိဂ် ပြိုင်ပွဲတွင် ရလဒ်များ ဆိုးရွားနေခဲ့သည့် ဟံသာဝတီ ယူနိုက်တက် အသင်းသည် ၎င်းတို့၏ နည်းပြချုပ် ဦးဝင်းတင်ကို ရာထူးမှ အနားပေးလိုက်ပြီး လူငယ်အသင်း နည်းပြချုပ် ဖြစ်သည့် ဦးငွေထွန်းအား နည်းပြချုပ် အဖြစ် ခန့်အပ်လိုက်ကြောင်း သိရသည်။

ယနေ့ညနေက သုဝဏ္ဏကွင်းတွင် ကျင်းပခဲ့သည့် မြန်မာနေရှင်နယ်လိဂ် ပွဲစဉ်(၁၁)၏ ပွဲစဉ်တစ်ပွဲ ဖြစ်သည့် ဆောက်သမ်းမြန်မာ အသင်းနှင့် ဧရာဝတီ ယူနိုက်တက် တို့၏ ပွဲတွင် ဧရာဝတီက နိုင်ငံခြားသား ကစားသမားများ၏ ဒုတိယပိုင်း သွင်းဂိုးများဖြင့် အနိုင်ရခဲ့သည်။ ဧရာဝတီ အနေဖြင့် ပထမပိုင်းတွင် ဆောက်သမ်း၏ ကွင်းလယ်ကို ထိန်းချုပ်နိုင်ခြင်း မရှိခဲ့သော်လည်း ဒုတိယပိုင်း အစတွင် ရရှိခဲ့သည့် ဂိုးကြောင့် ဒုတိယပိုင်း တစ်လျှောက် ဆောက်သမ်းအပေါ် အသာစီး ရယူနိုင်ခဲ့ပြီး အနိုင်ရရှိခဲ့ခြင်း ဖြစ်သည်။

၂၀၁၃ မြန်မာနေရှင်နယ်လိဂ် ပြိုင်ပွဲ၏ ပွဲစဉ်ဇယားကို ပြီးခဲ့သည့် မေလ(၉)ရက်က ကျင်းပခဲ့သည့် လိဂ်ကော်မတီ အစည်းအဝေး အပြီးတွင် ထုတ်ပြန်ခဲ့ကြောင်း သိရသည်။ ပွဲစဉ်ဇယား ထွက်ပေါ်လာခဲ့ရာတွင် ထုံးစံအတိုင်း မူလစီစဉ်ထားသည့် ပွဲစဉ်များနှင့် ကွာခြားမှုများ ရှိနေခဲ့ပြီး မူလသတ်မှတ် ထားသည်ထက် ရက်ပေါင်း (၂၀)စောကာ ၂၀၁၃ ဘောလုံးရာသီကို အဆုံးသတ်မည် ဖြစ်သည်။

ရန်ကုန်နှင့် ရတနာပုံတို့၏ ပွဲစဉ်တွင် ရန်ကုန် ယူနိုက်တက် အနေဖြင့် ပထမပိုင်း ကတည်းက တစ်ဂိုးအသာနှင့် ပွဲကို ဦးဆောင်နေနိုင်ခဲ့သော်လည်း နာကျင်အချိန်ပို နောက်ဆုံးမိနစ်တွင် ရတနာပုံ အသင်းခေါင်းဆောင် ဒီဂျမ်၏ ချေပဂိုးကို တားဆီးနိုင်ခြင်း မရှိခဲ့သောကြောင့် သရေတစ်မှတ်နှင့်သာ ကျေနပ်ခဲ့ရသည်။

ယနေ့ညနေက အောင်ဆန်းကွင်းတွင် ယှဉ်ပြိုင်ကစားခဲ့သည့် ရခိုင်ယူနိုက်တက် အသင်းနှင့် နေပြည်တော် အသင်းတို့၏ မြန်မာနေရှင်နယ်လိဂ် ပွဲစဉ်တွင် နေပြည်တော် အသင်းက အမှတ်ပေးဇယား အောက်ဆုံးမှ ရခိုင်ယူနိုက်တက် အသင်းကို ဂိုးပြတ်အနိုင် ကစားကာ သောကြာနေ့ ပွဲများ အပြီးတွင် အမှတ်ပေးဇယား ဒုတိယနေရာသို့ တက်ရောက်နိုင်ခဲ့သည်။ တစ်ပြိုင်တည်း ကစားခဲ့သည့် ပွဲစဉ်တွင် မနောမြေကို သရေကျခဲ့သည့် ဇေယျာရွှေ့မြေနှင့် နေပြည်တော်တို့မှာ ရမှတ်(၂၁)မှတ်ခြင်း တူညီသွားပြီ ဖြစ်သော်လည်း ဂိုးကွာခြားချက်အရ ဒုတိယနေရာ၌သာ ရပ်တည်ခဲ့ရခြင်း ဖြစ်သည်။

ယနေ့ညနေက သုဝဏ္ဏကွင်းတွင် ယှဉ်ပြိုင်ကစားခဲ့သည့် မြန်မာနေရှင်နယ်လိဂ် ပွဲစဉ်(၁၁)၏ ပွဲစဉ်တစ်ပွဲ ဖြစ်သည့် မနောမြေ အသင်းနှင့် ဇေယျာရွှေမြေ တို့၏ ပွဲစဉ်တွင် အကြိတ်အနယ် ယှဉ်ပြိုင် ကစားခဲ့ကြပြီး ဂိုးမရှိ သရေနှင့်သာ ပွဲပြီးဆုံးခဲ့သည်။