ဇူလိုင်လ ၁၁ ရက်နေ့ ညနေပိုင်းက တောင်အာဖရိက နိုင်ငံ ကိပ်တောင်းမြို့၊ ကိပ်တောင်း အားကစား ကွင်းတွင် ကစားခဲ့သော ကမ္ဘာ့ဖလား ပွဲစဉ် ပြင်သစ်နှင့် ဥရုဂွေးတို့ (၀-၀)ဂိုး သရေကျ ခဲ့ကြောင်း သိရသည်။

အဆိုပါ ပွဲစဉ်တွင် နှစ်ဘက် စလုံးက အဖွင့်ပွဲစဉ်၌ မရှုံးစေရေးကို အဓိက ဦးတည်၍ ထိန်းကစားခဲ့ကြ သဖြင့် ပွဲမှာ အေးနေခဲ့ပြီး ကွင်းလယ်တွင်သာ ဘောလုံး အပျက်များနေ ခဲ့ကြောင်း တွေ့ရသည်။ ပြင်သစ်မှ ရီဘာရီနှင့် ဥရုဂွေးမှ ဖော်လန်တို့ အခွင့်အရေး အချို့ ရခဲ့သော်လည်း အဆုံးသတ် အားနည်းသွား ခဲ့သဖြင့် ဂိုးမရခဲ့ခြင်း ဖြစ်သည်။

၎-၅-၁ ကစားကွက်ကို အခြေခံ ကစားခဲ့သော ပြင်သစ်သည် တစ်ပွဲလုံးနီးပါး တိုက်စစ် မြှင့်တင်ခြင်း မပြုဘဲ ကွင်းလယ် အသားစီး ရအောင်သာ ကစားသွား ခဲ့ပြီး တိုက်စစ် အားသန်သည့် ကွင်းလယ် ကစားသမား မာလူဒါကိုပင် ဒုတိယပိုင်း တွင်မှ ထည့်သွင်း ခဲ့သည်ကို တွေ့ရသည်။ တိုက်စစ်တွင် တစ်ဦးတည်း တင်ထားသော အနယ်လ်ကာ မှာလည်း ခြေမပေါ် ခဲ့သဖြင့် အွန်နရီနှင့် ၇၂ မိနစ်တွင် လဲလှယ် ခဲ့ရသည်။

ဥရုဂွေး အသင်း၏ ဆွာရက်နှင့် ဖော်လန် အတွဲမှာလည်း ထင်သလောက် အလုပ်မဖြစ် ခဲ့ဘဲ အခွင့်အရေး အများအပြား လွဲချော်ခဲ့ သဖြင့် ဆွာရက်ကို အဘရူနှင့် လဲလှယ် ခဲ့ရသည်။ ပွဲချိန် ၈၁ မိနစ်တွင် ဥရုဂွေး ကစားသမား လိုဒီရီယိုသည် ပြင်သစ် နောက်ခံလူ ဆက်ဂ်နာထံမှ ဘောလုံးအား ၀င်လုရာ၌ ကြမ်းတမ်းစွာ ကစားခဲ့မိသဖြင့် ဒိုင်လူကြီးက နှစ်ဝါ တစ်နီဖြင့် ထုတ်ပယ်ခဲ့သည်။ ထို့ကြောင့် လိုဒီရီယိုသည် ၂၀၁၀ ကမ္ဘာ့ဖလား ပြိုင်ပွဲ၏ ပထမဆုံး အနီကဒ် ပြခံရသူ အဖြစ် မှတ်တမ်း ၀င်သွားပြီ ဖြစ်သည်။

ဥရုဂွေး အသင်းသည် လူတစ်ယောက် လျော့သွား သော်လည်း လက်ကျန် ပွဲချိန်များကို ဆက်လက် ထိန်းကစား သွားနိုင်ခဲ့ပြီး ပြင်သစ်တို့ထံမှ သရေ တစ်မှတ်ကို ထိုက်ထိုက်တန်တန် ခွဲယူသွား နိုင်ခဲ့သည်။ ထို့ကြောင့် ပွဲစဉ် ၂ ပွဲ ကစားပြီးချိန်၌ အုပ်စု(A)တွင် အသင်းအားလုံး ရမှတ် တစ်မှတ်စီ ရနေပြီး မက္ကဆီကို အသင်းက သွင်းဂိုး အရသော် လည်းကောင်း၊ အက္ခရာစဉ် အရသော် လည်းကောင်း အုပ်စုကို ဦးဆောင်နိုင် နေကြောင်း တွေ့ရသည်။